सिन्कोनाको पुरानो कारखाना विश्व धरोहर बनाउँने पहल गर्नुपर्ने पर्यटकको सुझाव

कालेबुंङ्; दार्जीलिङ पहाडमा पर्याटकहरुलाई आकर्षक गर्न आयोजना गरिएको उक्त चिया अनि पर्यटन उत्सवमा मङपू सिन्कोना निर्देशालयल अधिनस्थ पहाडमा अहिलेसम्म गरिन्दै आईरहेको औषधीय पौधाहरुको प्रदर्शनी आकर्षको केन्द्र बिन्दु बनेको छ। मलेरियाको अचुक औषधी मानिने सिन्कोनाको खेती दार्जीलिङ पहाडको मङपूमा अङ्ग्रेजहरुले सन 1962 देखि शुरु गर्दै आईरहेको ऐतिहासिक तथ्यसंगै औषधीय पौधाहरुको प्रदर्शनी देश अनि बिदेशबाट आएका पर्यटकहरुले हेरेर जानकारी लिईरहेका थिए। 

यस अवसरमा सिन्कोनाको ईतिहासंग जडीत सन 1871 देखि सन 1974 सम्म हस्तलिखित अङ्ग्रेह बाबुहरु हस्तलिखित दस्तावेज पनि प्रदर्शनीमा राखिएको छ। दार्जीलिङ पहाडमा चिया पछि दोस्रो सर्वबृहत उद्योग सिन्कोना बिषयमा उक्त प्रदर्शनी हेरे पछि ईगल्याण्डबाट आएका फेडरिक हेनरीले कुराकानी गर्दै दार्जीलिङ पहाडमा सिन्कोना खेतीको ईतिहास यति लामो छ भन्ने आजसम्म आफुलाई ज्ञात नभेको जनाए। 

तिनले मङपूमा अङ्ग्रेजहरुले सन 1865 मा निर्माण गरेको सिन्कोना कारखाना अहिले जिर्ण अवस्थामा रहेको थाह पाउँदा दुखी बनेको बताउँदै उक्त युगौ पुरानो कारखानालाई विश्वधरोहरको मान्यता दिलाउँने सरकारी पहल हुनपर्ने सुझाव दिए। तिनले दार्जीलिङ पहाडमा सिन्कोना निर्देशालय अधिनस्थ भईरहेको औषधीय पौधाहरुले आफुलाई आकर्षक पारेको बताउँदै यहाँ हुने औषधीय पौधाहरुको खेतीले औषधीय पौधाहरुबारे रिसर्च गर्नेहरुलाई धेरै लाभ पुग्ने बताए।

 यति मात्र होईन यस सम्बन्धमा मेडिसिनल टुरिजमको बिकास गर्न सकिने पनि फेडरिक हेनरीले बताए। अर्कोतिर कार्यक्रमको आज दोस्रो दिन मानिसहरुको भिड व्यापक जमेको थियो भने दोस्रो दिनको कार्यक्रममा नानीहरुको प्रदर्शनी, शुश्री सुनकेशरी प्रतियोगिता अनि कुकुरहरुको प्रदर्शनी सम्पन्न भयो। 

नानीहरुको प्रदर्शनी कार्यक्रममा धेरै नानीहरुले सहभागिता जनाएका थिए भने कुकुरहरुको प्रदर्शनी पनि रोचक भएको थियो। यसै अवसरमा शहरमा नारीहरु माझ स्कुटी र्याजली सम्पन्न भएको थियो।अर्को तिर होम्स ग्राउण्डबाट हेलिकप्टर मार्फत मानिसहरूले कालेबुंङ् शहरको दृश्य हेरेर मनोरन्जन लिए भने साझा पख मेला टारमा गोर्खा जनमुक्ति बिधार्थी मोर्चा केन्द्रिय समितीको आयोजनामा पारम्परिक ढंगामा फेशन शो सम्पन्न भयो।

उक्त फेशन शो प्रतियोगितामा बिभिन्न क्षेत्रका बिधार्थीहरूले भाग लिएका थिए। प्रतियोगिताको निर्णायकको रुपमा जीटीए चिफ़ बिमल गुरुंङ्का छोरा अभिनाश गुरूंङ्,कालेबुंङ् लोक संस्कृति संस्थानका सयोजक राजेन गुरुङ् लगायत अन्य दुई जाना निर्णयक रहेका थिए।