टिस्टा नदीमा वाहन झर्दा एकजना निखोज एकजना गम्भिर घाईते

 डी के वाइबा, कालेबुङ 1 नोभेम्बर। मल्लिदेखी टिस्टा सम्म आईरहेको मारुती कार टिस्टा नदीमा झरेर दुर्घटना ग्रस्त हुँदा वाहनका चालक निखोज बनेका छन भने एकजनालाई गम्भिर अवस्थामा यहाँको महकुमा अस्पतालमा भर्ना गरिएको छ। जानकारी अनुसार अज बिहान मल्लि निवासी बिकास राई (30) अनि राजु राई मारुती कार नम्बर डब्ल्यु बी 02 क्यु 3315 मा सवार भएर टिस्टा आईरहेका थिए। सोहि समय 31 ए राष्ट्रिय राजमार्ग टिस्टाको पुरानो पुल नजिकबाट वाहन सोझै नदीमा झर्दा वाहनका चालक रामु राई निखोज बनेका छन।

 उक्त वाहन टिस्टा तर्फ आईरहेको समयमा अघि भएको वाहनलाई उछिनेर अघि निस्कने होडमा बिपरित दिशाबाट आईरहेको वाहन देखेर आफ्नो वाहनलाई नियन्त्रण गर्न असमर्थ बनेपछि वाहन सिधै टिस्टा नदीमा झरेको प्रत्यक्षदर्शीहरुले जनाए। दुर्घटना भएको जानकारी पाउँन साथ टिस्टा रेस्क्यु ग्रुपका बिकास थापा, भानु गुरुङ, समिर तामङ, बिजय प्रधान आदिले राफ्टिङको सहयोगमा वाहनमा सवार बिकास राईलाई गम्भिर अवस्थामा उद्धार गरेर महकुमा अस्पतालमा उपचारको निम्ति भर्ना गरेको छ। तिनको टाउकोमा गम्भिर चोट लागेको कारण अवस्था खुबै चिन्ताजनक रहेको छ भने वाहनको चालक रामु राईको कुनै पत्तो लाग्न सकेको छैन।